వైద్య విద్య, పరిశోధనలను ప్రోత్సహించేందుకు మెరిట్ అప్లికేషన్ వెబ్ సైట్‌, అప్లికేషన్లను ఆయన ప్రారంభించారు. గాంధీ ఆసుపత్రిలో 165 పడకలతో ఐసీయూ ఏర్పాటు చేశామని ఆయన తెలిపారు. వెరికోసిస్ వ్యాధికి ఆరోగ్యశ్రీ కింద శస్త్రచికిత్సలు చేస్తామని ఆయన అన్నారు. కేసీఆర్ కిట్ల కోసం ఇప్పటి వరకు 3.65లక్షల మంది దరఖాస్తు చేసుకున్నట్లు తెలిపారు. వైద్యరంగం, ఔషదాలపై జీఎస్టీ ప్రభావం పెద్దగా ఉండకపోవచ్చని ఆయన అన్నారు. సరోగసీ కేసులో హైకోర్టు తీర్పు ప్రకారం వైద్య, ఆరోగ్య శాఖ చర్యలు తీసుకుంటామని తెలిపారు. ఔషధ ప్రయోగాలు, సరోగసీ కేంద్రం పరిధిలోని అంశాలు చర్చకు వచ్చాయని అన్నారు.